Maitasunezko bi iturritxo
bularra edo petxuak, ama nereak eman zizkidan bere maitasun itxuak, neregatikan zer egin zuen nere amatxo gaixuak: maitetasuna urtuta eman halako trago goxuak. |
Bularra eman eta ondoren
han hasi ohi zan kantuan, nere burua erdi lotan nik han jartzen nuen orduan. Nere amatxo maitagarria egongo zera zeruan, haundia hazi ez banaiz ere ahalegin egin zenduan |
2014(e)ko abenduaren 13(a), larunbata
PENTSATZEKO IPUINAK II
AMAREN BULARRARI BI BERTSO, LAZKAO TXIKI
Pentsatzeko ipuinak
2014(e)ko abenduaren 12(a), ostirala
PENTSATZEKO IPUINAK I
Mikroipuin herrikoia
Baziren behin bi ume ur izoztuaren gainean patinetan zebiltzala.
Arratsalde euritsu eta lainotua zen, baina haurrek kezkarik gabe jolasten zuten
Bat-batean, izotza puskatu eta haurretako bat uretara erori zen.
Beste haurrak, uretara erori zena itoko zela ikusita, harri bat hartu eta izotzari kolpeka hasi zen, izotza puskatu eta bere laguna atera zuen arte.
Suhiltzaileak iristean eta gertatutakoa ikusi zutenean, zera galdetu zuten:
– Nola egin du? Izotza oso lodia dago, ezinezkoa da harri horrekin eta hain esku txikiekin puskatu izana!
Une horretan agure bat agertu eta esan zuen:
– “Nik badakit nola lortu duen”…
– “Nola?”.Galdetu zioten agureari. Eta honek erantzun:
– “ETZEGOEN BERE ONDOAN INOR, EZINGO ZUELA EGIN ESAN ZIONIK”.
2014(e)ko abenduaren 11(a), osteguna
"CUENTOTERAPIA"
Gaurkoan ipuinek izan dezaketen erabilera oso positibo bat dakart: cuentoterapia. Terapia honen bidez ipuinak erabiltzen dituzte umeei laguntzeko eta izan ditzaketen arazoak konpontzeko. Jarduera mota hau oso interesgarria izan daiteke eta horregatik ondoren esteka, artikulu, bideo... ugari txertatuko dizkizuet gai honen inguruan ikasten jarraitu nahi baduzue.
2014(e)ko azaroaren 27(a), osteguna
IPUINEN GARRANTZI HEZITZAILEA
Tradizionalki ipuinak bakarrik erabiltzen ziren ikasgelan giro lasaia sortzeko eta umeen atentzioa lortzeko. Baina gaur egun, ipuina Haur Hezkuntzan erabiltzen den tresna garrantzitsuenetariko bat da. Informatzeko, hezitzeko eta ikasteko balio du. Gainera, umeen irudimena, sormena eta jakin-mina estimulatzen ditu.
Haurrek ipuinetan beraien arazo pertsonalen konponbideak aurkitu ditzakete hauen bidez eguneroko bizitzako egoerak,sentimenduak, baloreak... erakutsi ahal dizkiegulako. Honen bidez lortu dezakegu umeek ipuineko irakaskuntzez etekina atera dezatela modu inkontziente, dibertigarri eta hezitzaile batean. Ondorioz, umeen garapen osoan laguntzen du.
Ondoren, ipuinak hezkuntzan eskaintzen dituen baloreak eta baliabideak izendatuko ditut:
- Umeen arreta eta kontzentrazioa garatzen du.
- Sormena eta irudimena estimulatzen ditu.
- Testu idatziekiko gustua esnatzen du eta irakurketarekiko jarrera positiboa garatzen du.
- Tentsioak liberatzen ditu.
- Garapen emozionala eta soziala indartzen ditu.
- Beldurra, frustrazioa eta nahiak besalako sentimenduak identifikatzen ditu.
- Hizkuntzaren lorpenari eta garapenari fabore egiten dio umeen hiztegia aberastu eta handitzen duen bitartean.
- Segurtasuna eta konfiantza sustatzen ditu.
- Mesedegarria da ahozko expresioa eta hitz-jarioa lantzeko.
- Enpatia edo beste pertsonen lekuan jartzeko gaitasuna garatzen ditu.
Testu honetako informazioa ondorengo helbide honetan aurkitu dut: http://es.slideshare.net/marimatraka/importacia-de-los-cuentos-en-educacion-infantil
2014(e)ko azaroaren 23(a), igandea
IKUS-ENTZUNEZKO IPUINAK
Gaurkoan ipuinak
kontatzeko beste modu bat dakart: ikus-entzunezko ipuinak. Ipuin mota honetan bideoen
bidez umeek ipuinak entzun eta ikusten dituzte.
Internet-en
kuxkuxeatzen ibili naiz eta mota honetako ipuin ugari aurkitu ditut, aukera askotako
istorioak aurkitu daitezke euskaraz. Bereziki gustatu zait youtub-eko kanal
bat, “aneluken” izenekoa kalitate oneko kontaketa upari daudelako.
Nik, bertatik, hurrengo
hiru ipuinak aukeratu ditut: Marikanela,
Koxmeren gezurrak eta Artzain gezurtia. Ikusi ahal izango
duzuen bezala hiru ipuinak gezurren ingurukoak dira. Gaia hau umeekin lantzeko
interesgarria delako erabaki ditut ipuinok, beraz, ipuinen bidez
didaktikotasuna landu daitekeela ikusiko duzue.
Marikanela
Artzain gezurtia
Koxmeren gezurrak
Oharra: bideaok txertatzerakoan arazoak izan ditut erabiltzaileak ez zituelako youtube-en aurkitzen, horregatik, nire ordenagailura deskargatu ditut eta bertatik igo ditut. Beraz, bideo hauek ez dira nireak eta egilearen bideo gehiago ikusi nahi badituzue bere kanalera jo: albaluken
BAINA, ZER DIRA IPUINAK?
Ipuina gertaera batzuen segida duen kontakizun laburra
da, trama zuzen eta errazekoa, non denbora, espazioa eta ekintzak estuki lotuta
dauden. Etimologikoki hitz erabiliena ipuin da baina euskaraz ipuinei
erreferentzia egiteko beste hitz batzuk daude: elezahar, kontu, kontakizun,
istorio, abentura, eleberri, narrazio, nobela...
Ezagutzen ditugun ipuin zaharrenak Egiptotik datozkigu
eta KA 2000. urte inguruan idatzi zituzten. Haietako asko azkenengo urteetan
aurkitu eta argitaratu ditzute arkeologoek.
Ipuin hitza entzuten dugunean berehala
datozkigu burura umeentzako ipuinak: iratxoak, maitagarriak, ogroak... era
guztietako magiaz josita. Hala ere, ipuin magikoak ez ziren jatorriz haurrei
kontatzeko istorio goxoak, kontakizun krudelak baizik.
Ipuin guztiek forma zehatz bat daukate, sarrerak,
garapenak eta ondorioak osatzen dute kontakizuna. Sarrera pertsonaien eta
istorioa garatzen den tokiaren aurkezpena edo deskribapena da. Garapenean
arazoa jazotzen da, gertaeren multzoa da. Ondorioan istorioaren konponbidea
azaltzen da.
Bi motatako ipuinak ezagutzen ditugu: ipuin tradizionalak
eta ipuin literarioak. Lehenengoak oso zaharrak dira eta anonimoak direnez
ahotik ahora igorri dira urteetan zehar. Bigarrenetan, berriz, egilea ezaguna
da eta modu idatzian transmititzen dira.
2014(e)ko azaroaren 16(a), igandea
NABAR, HARTZ IPUINLARIA
Internet-en ibili
ondoren web horri interesgarri bat aurkitu dut: Nabar, hartz ipuinlaria.
Bertan, munduko
herri desberdinetako pertsonaien ipuin bilduma aurkitu daiteke. Bilduma honetan
ipuinak sei hizkuntza desberdinetan entzun eta irakurri daitezke: aragoiera,
katalan, ingelera, espainiera, euskara eta frantsesa. Beraz, ipuinak
irakurtzeaz aparte entzuteko eta deskargatzeko aukera interesgarria ematen du.
Hor doa web-horria: Nabar, Hartz ipuinlaria
ZELAN KONTATU IPUINAK
Edonork hartu dezake momentu bat ipuin bat kontatzeko edo sortzeko. Momentu
eta leku aproposak erabakitzeak kontaketa atseginagoa egingo dute. Horregatik,
ipuin bat kontatzerako orduan elementu batzuk kontuan hartu behar dira eta
hemen elementu horietariko batzuk zerrendatu ditut:
·
Irakurtzen duenarentzat, eta baita entzuten duenarentzat ere, leku eroso
bat erabaki, irakurtzeko ondo argiztatua.
·
Umearen iritzia kontuan hartu ipuina edo gaia erabakitzerako orduan.
Horrela, hasieratik egongo da inplikatuta eta bere gustuak eta interesak
ezagutuko ditugu.
·
Modu animatuan kontatu istorioa, intonazio onarekin eta alaitasunez, ahotsa
aldatzen joanez pertsonaiekin batera, keinuak egiten eta onomatopeiak
erabiltzen beharrezkoa denean. Guzti onek umearen atentzioa deitzen lagunduko
du.
·
Istorioa aurrerantz doan heinean umearen erreakzioei erreparatu. Pausak
egin zerbait azaltzeko edo mezua ulertzen dagoela ziurtatzeko.
·
Umeak irakurtzen badaki egun batzuetan berak egin dezake irakurketa. Baita
ere gomendagarria da entzunezko ipuinak aditzea eta komentatzea.
·
Ipuinarekin amaitzerakoan umeari honi buruz galderak egin.
Testu hau web horri honetatik atera dut: http://www.literaturasm.com/Consejos_para_contar_cuentos.html
2014(e)ko urriaren 28(a), asteartea
MARIPUZKER
Gaur, ipuin berri bat ekarriko dizuet nire txokora. Ipuin
honek Maripuzker du izena eta Mitxel
Muruak idatzita dago. Ipuinak Maripuzker neskatilaren komeriak kontatzen ditu
eta gai entretenigarria duenez umeei asko gustatzen zaie.
Hurrengo sarreretan
azalduko dudan bezala, umeentzako ipuinak entretenigarriak eta beraien interesa
piztekoak izan behar dira istorioan hobeto sartzeko. Beraz, gai barregarriei
buruzko ipuinek (kasu honetan puzkerrak) arrakasta gehiago izango dute.
Ipuin hau hobeto ezagutzeko eta Maripuzkerren munduan
sartzeko istorioaren hasiera usten dizuet zuen interesa pizteko, espero dut
zuen gustukoa izatea, hor doa Maripuzker:
Behin
bazen neska alai bat puzker asko botatzen zituena; horregatik Maripuzker
deitzen zioten denek.
Behin,
festa batera joan zen Maripuzker, eta dantzan ari zela puzker handi batek ihes
egin zion:
-PRRRRROUMM!
Jende
guztiak dantza egiteari utzi, eta berari begira jarri zen. Maripuzkerrek,
lotsa-lotsa eginda, esan zuen:
—Ai,
ama!, hau lotsa! Nahiago
nuke munduko ipurdian banengo!
Hori esan zuenean, burua bueltaka hasi zitzaion
Maripuzkerri, eta bera konturatzerako munduko ipurdian agertu zen.
Munduko ipurdian puzkerrak bizi ziren, noski. Bazen han
puzker gorri bat, beste guztiak baino gizenagoa eta handiagoa zena: puzkerren
kapitaina.
Maripuzker negarrez ari zen dena beldurtuta. Puzkerren
kapitainak hala ikusi zuenean, goxo-goxo galdetu zion:
—Zer egiten duzu zuk hemen?
2014(e)ko urriaren 23(a), osteguna
SARRERA
Ongi etorria guztiei!
Irakasle-eskolako 2. mailako ikaslea naiz UPV/EHU-n eta blog honen bidez ipuinen inguruko informazio interesgarria, bideoak, artikuluak... helaraziko dizkizuet. Ipuinen mundua nahiko ezaguna da guztientzat eta horregatik blog honekin informazio osagarria edo interesgarria helduaraziko dizuet, hala nola, ipuinak zelan kontatu, zein ipuin mota dauden, zelan piztu umeen interesa ipuinak kontatzerakoan eta abar.
Gainera, honetaz aparte, noizbehinka adin desberdinetako umeentzat interesgarriak izan daitezkeen ipuinak aipatuko edo eskegiko ditut. Ipuin hauek ikasgelan edo etxean irakurtzeko erabili ahal izango dira eta didaktikoak izan daitezen ipuion gaiak eta tramak aldatzen joango naiz.
Espero dut blog-a zuen gustukoa izatea eta guztiok batera asko ikastea, beraz, aurrera ipuin kontalariak!
Harpidetu honetara:
Mezuak (Atom)